Ақмола облысында балалар жазғы демалысты да онлайн форматта өткізуі мүмкін

Санитарлық дәрігерлер әлі нақты шешімін айтқан жоқ, деп хабарлайды «Хабар 24». Онлайн демалыс ұйымдастырылса, оқушыларға түрлі интернет платформалары арқылы танымдық ойындар жіберіледі. Дегенмен, ұстаздар эпидемиологиялық жағдай тұрақталып, дәстүрлі форматқа көшсек деген үмітте. Ол үшін қазір аймақтағы 20 лагерь әзірленіп жатыр. Дайындық актісін алған демалыс орталықтарының қанша баланы қандай ретпен қабылдайтыны алдағы уақытта белгілі болмақ. Белгілісі, қала сыртындағы жазғы лагерьге баратын балаға ПТР тапсыру міндет емес. Алайда, қауіпсіздік те назардан тыс қалмайды. Бейбіт Жүсіпов, облыстық білім басқармасының басшысы: - Лагерьге келгенде балалардың, ол лагерьдің қуаттылығына байланысты. 200 орындық лагерь, 150 орындық лагерьлер болады. Ол жерде енді балалардың ішінде кейбіреуі контакт болған балалар немесе ауырған балалар болатын болса, соларды анықтау үшін «Ашық» жобасын енгізу қазіргі таңда бізде жоспарымызда тұр.